Buolbmát girku Juovlaruohta 1936 báddejuvvui sámegiel ipmilbálvalus Buolbmát girkus. Go dat de sáddejuvvui, de leai vuosttaš gearddi ahte sámegiella gullui rádios.
Áviissain ihtigohte čállosat gos ledje sávaldagat oažžut sámegiel rádiosáddagiid. Dá leat čállosat áviissas Nordkapp 1940-dálvvi.
Lars Normann Sørensen (r. 1909 Harstadas) jođii ollu sámeguovlluin maŋŋil go sattai doaimmaheaddjin Finnmárkku Sáddehatguovddážii Čáhcesullos 1934-čavčča. Nu son dávjá gulai sávaldagaid oažžut sámegiel rádiosáddagaid.
Jonne Lásse / Lars Jonsen Gaup (1897-1973) Kárášjogas oaččui veahki leansmánbálvvas čállit reivve Norgga riikarádioi Osloi gos son bivddii sámegiel rádiosáddagiid.