Hopp til innhold

Ođđa girji guvlláruššama birra

Dovddus girječálli, Ingjerd Tjelle áigu čállit girjji Finnmárkku guvlláriid ja sin birra geat leat ožžon veahki buoridit iežaset váttisvuođaid.

Ingjerd Tjelle

Ieš ii leat goassige leamaš guvllára luhtte muhto lohká gelddolažžan gullat olbmuid áhpiid ja vásáhusaid.

Foto: Privat

Divššodit olbmuid sániin ja gieđain lea don dolin álggahuvvon ja gávdnojit ain otne ge guvllárat geat nu máhttet dikšut.

Lean alo beroštan gaskkustit min fylkka kulturhistorjjá ja muitalusaid.

Ingjerd Tjelle

Čáhcesullolaš Ingjerd Tjelle mielas lea dehálaš buktit ovdan guvlláriid muitalusaid Finnmárkkus, ja áigu čálligoahttet girjji dan birra.

Loahpas lihkostuvai
Tjelle lea 3-4 jagi smiehttan bargagoahttet girjin, muhto ii ožžon doarjaga Norgga fágagirjjálaš girječállinsearvvis. Liihkká ii vuollánan girjeprošeavttain, lei mearridan ahte oktii vel geahččala ohcat doarjaga ovdal go vuollána álfárot. Goalmmát geardde manai ge miela mielde ja oaččui doarjaga.

Mojodettiin muitala Tjelle ahte girjjiin bargagoahtit cuoŋománus ja rehkenastá boahtte giđa girjji gárvánit.

Dás vuolábeal gulat radioášši dán birra.

Ingjerd Tjelle bargagoahtá odda girjjiin

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi