Skutervuodjin duššada misiid

Olu joavdelas skotervuodjin buktá duođalaš váikkuhusaid boazodollui, lohká boazoeaiggát

Snøskutere
Foto: DOUG PENSINGER / AFP

Maŋemus áiggiid leat Boazopolitiijat ožžon dieđuid boazodolliin ahte lea olu joavdelas skutervuodjin ealuid lahka.

– Sii ballet misiid jápmit jus fal ealut eai bálle leat ráfis dál, lohká Máhkarávjju ovdaolmmoš Johan Mathis Kemi:

GULDAL: Ballet massimis misiid skutervuodjima geažil

Máhkarávjju orohaga ovdaolmmoš Johan Mathis Kemi lohká ahte sis leat leamaš dákkár váttisvuođat juo guhká, ja ahte politiijat eai leat nu bearehaga beroštan, ovdalgo sii válde oktavuođa Biebmobearráigeahčuin.

Oanehaččat

  • Poava fuolastuvvan

    Poava Fránsa (dahjege Francis) ovdanbuktá fuolastumi industriija luonddusisbabahkkemiid ja birasbilidemiid hárrái, go dáid beivviid gávnnada Ecuadora presideanttain Rafael Correa:in ja Bolivia presideanttain Evo Morales:iin.
    Poava lea oahppaladdamin oahppaladdá Ecuadora, Bolivia ja Paraguaya Mátta-Amerihkás, gos oainnálmahttá luonddubirasgažaldagaid, álgoálbmogiid áššiid ja gefiid dili.
    Ecuadoras ja Bolivias leat álgoálbmogat guhká dáistalan suodjalit eatnamiiddiset oljo- ja gássadoaimmaid nuoskkideamis, ja poava Fránsa lea bivdán stáhtaid jođiheddjiid buorebut guldalit álgoálbmogiid luonddusuodjalusáššiin.

  • Vuođđoláhka vealaha

    Austrália vuosttašálbmogiid nationála kongreassa (The National Congress of Australia's First Peoples) dáhttu parlameantta nuppástuhttit riikka vuođđolága, mii buorrindohkkeha nálle-vealahusa. Ikte ságastalle sullii 40 álgoálbmotjođiheaddji Austrália oaiveministariin ja oppo-sišuvnna jođiheddjiin vuođđolága nuppástuhttimis Sydney gávpogis. Riikka vuođđolága paragráfa 25 diktá stáhtaid čuoldit dihto olmmoš-nálli jienasteames válggain.
    Vuosttasálbmogiid nubbi jođiheaddji, Lez Maleser, lohká olbmuid dáhttut vearrivuođa njulgejuvvot.

På forsiden av NRK Sápmi nå