Finnmárkku fylkkamánne áigu dál veahkkin ruhtadit ealgabivddu Anárjoga álbmotmeahccis ja dál lea Finnmárkuopmodat duhtavaš.
Vuolláibaza bivddus
Gieskat dieđihii Finnmárkuopmodat ahte heaittihit ealgabivddu Anárjoga álbmotmeahccis go juohke jagi lea vuollaibáza dán bivddus. Dál áigu Finnmárkku fylkkamánne veahkkin ruhtadit ealgabivddu álbmotmeahcis, muhto fertejit de vuos oažžut ruhtadoarjaga direktorahtas.
– Duohtavuohta lea ahte jos šaddet beare olu ealggat álbmotmeahccis, de dat fas čuohccá šáttuide ja vuvdiide go ealga daid guohttu, dadjá Finnmárkku fylkkamánne birasgáhttenossodaga Ørjan Jensen.
Finnmárkku fylkkamánne lea ohcan 250.000 ruvnna Luondduhálddašan direktorahtas, ja vurdet vástadusa daid beivviid.
Dohkkehan bivddu
2003 rájes lea Anarjoht álbmotmeahcis leamašan ealgabivdu, fylkkamánne lea sierralobi dahje dispensašuvnna bokte dohkkehan bivddu. Muhto dát sierralohpi nohká boahtte jagi, 2010is. Ja jus de ain galget bivdit ealggaid álbmotmeahcis de fertejit rievdadit luonddugáhttennjuolggádusaid , go dála njuolggádusaid mielde ii leat lohpi Anárjoga álbmotmeahcis bivdit ealggaid.
– Sii gal árvvoštallet fylkkamqnne bealis dqid njuolggqdusaid, go oidnet doppe ain dárbbu čađahit ealgabivddu boahttejagi rájes, muitala Ørjan Jensen.
Árvvoštallá dán jagi bivddu
FeFo áigu árvvoštallat rahpat Anárjoga ealgabivddu ođđasit, jus suodjalaneiseválddit gokčet liigegoluid, nu go helikopteri.
– Finnmárkuopmodagas leat gergosat jođihit ealgabivddu álbmotmeahcis vaikko juo dán čávčča jus ožžot ruđaid fylkamannis, muitala Fefo direktevra Jon Meløy.
Luonddugahtten direktorahtas eat ožžon ovttage ságaide gii livčči sáhttit vástidit juollodit go Finnmárkku fylkkamánnei ruđa dán bivdui vuoi eai.