Gođđis oalle hušša juovlamánus

Anja Guttorm Graven lea bajásšaddan ullobivttas gávppis maid su eadni jođiha. Su adveanttaáigi lea hušša-áigi, ja son lea maid šaddan rahpat gávppi ihkku gádjundihte sin geat leat maŋŋonan skeaŋkkaiguin.

Anja Guttorm Graven

Anja Guttorm Graven

Foto: Anne Randi Oskal

Iežas muitala Anja Guttorm Graven šaddan bajás láigevivššaid ja ullobiktasiid gaskas. Dan lohká danne go su eadni lea gođđan ullobiktasiid olbmuide nu guhká go son muitá.

Ihkku maid vuovdán gálvvuid

Son lea vel ihkkuge šaddan mannat gávpelatnjii vuovdit galvvuid olbmuide geat eai lean vel gártan oasttit juovlaskeaŋkaid. Ja ádveantaáigi lea álo leamaš issoraš hušša áigi sidjiide, go dalle galge ollu juovlaskeaŋkkat gárvvistuvvot, ja das son gal leamaš mielde, dien huššas.

Juovlagáhkuid láibu su áhčči

Anja Guttorm Graven lohká sin áhčči dat ferte láibut ja kohkket ruovttus, go dalle gal sis leat nu olu barggut kealláris gos gođđinmášinnat gođđet vaikke makkáraš ullobiktasiid.

Oanehaččat

  • Návuona válga

    Ja Návuona gielddas Romssas lea otne historjjálaš álbmotjienasteapmi. Doppe jienastit otne das, ahte časkkogo gielda oktii Finnmárkku gielddaiguin Álttáin ja Láhpin. Jos álbmot jienasta ovttasteami beales ja Stuorradiggi maid dohkkeha dan, de Romssa ja Finnmárkku fylkkarájá ferte sirdit máddelabbui Nuovasmuotkái. Ollugat leat jo ovddalgihtii jienastan ja dát čájeha ahte dát lea dehálaš jienasteapmi ja sátnejođiheaddji Eirik Losnegaard Mevik vuordá sakka makkár de šaddá válgga boađus.

  • Dubmejuvvon almmái lovpen

    Almmái gii diibmá dubmejuvvui Davvi-Romssa diggegottis gávcci jahkái giddagassii danne go roavvásit lei seksuálalaččat illástan iežas nieidda ja muhtun eará nieidda, lea dál lovpen go son lei okto beassan mátkkoštit Čáhcesullo giddagasas Bergena giddagassii. Gardermoena girdišillju rájes son ii leat šat dihtton gostege ja lea leamaš jávkosis mánu, čállá Nordlys.

Laster Twitter-innhold