Gilvalit Norgga falimusaiguin

Kárášjoga vuodjansearvi bargá buori barggu. Dan lea maid Norgga vuodjanlihttu fuomášan, ja sii leage váldán golbma nuora namuhuvvon searvvis mielde Norgga vuodjanmeašttirgilvvuide.

Svømming

Árraiđit hárjehallamin

Foto: Thoralf Balto / NRK
Svømming

Elle Norvang (Gurot bealde) ja Helene Andersen (Olgeš bealde)

Foto: Thoralf Balto / NRK

Hárjehallet garrasit
Kaia Nordbye (16), Elle Norvang (16) ja Helene Andersen (14) dat leat beassan Osloi gilvalit Norgga falimus vuoddjiiguin. Norgga vuodjanmeašttirgilvvut álget suoidnemánu 6. beaivve ja bistet gitta 10. beaivve rádjai. Nuorat hárjehallet sullii

Kjetil Andersen

Hárjeheaddji Kjetil Andersen

Foto: Thoralf Balto / NRK

20 tiimmu vahkkui. Guktii vahkus sii hárjehallet iđđes kvártta badjel guđas gitta gávcci rádjai. NRK Sápmi finadii árraiđit nuoraid luhtte gullamin mo sii leat ráhkkaneamen birgehallat Norgga buoremus vuoddjiiguin.

Guldal ášši mii gullui rádios

Oanehaččat

  • Dáhttu čavget turistabivddu

    Nordlándda guolástussearvi dáhttu eiseválddiid čavget turistabivddu njuolggadusaid. Diibmá turisttat geahččaledje sibirdit vihtta ja bealle tonna guoli olggos Norggas. Guolástussearvi dáhtošii earret eará sierra eriid turistabivddu várás, ja ahte geatnegahttojuvvojit dieđihit man olu leat goddán nie movt ámmátguolásteaddjit fertejit dahkat, čilge Norlándda guolástussearvvi jođiheaddji Hilma Olav Sivertsen.

  • Álgoálbmogiid dilli hástala ON

    Álgoálbmogiid váttis dilli lea Canada stuorámus hástalus. Dan dovddaha Canada olmmošvuoigatvuođakommišuvdna Ovttastuvvan Našuvnnaid (ON) olmmošvuoigatvuođakomiteai. Dát lea maid ášši mainna lea hoahppu bargat juoidá farggamusat. Kommišuvdna lea Geneves čilgemin ON:i mo Canada ollašuhttá riikkaidgaskasaš olmmošvuoigatvuođakonvenšuvnna.

På forsiden av NRK Sápmi nå