Suoma Sámediggi oaččui mannan vahkus oahpahus- ja kulturministeriijas vástádusa Sámi Giellagáldu ruhtaohcamuššii, nu čállá Yle Sápmi. Ministeriija ii áiggo šat juolludit lasi ruđa Giellagáldui. Nu šaddá giellaoktasašbarggu boahtte áigi eahpesihkkar, čállá sámedikki sátnejođiheaddji Klemetti Näkkäläjärvi bloggastis.
Sámediggi ferte ruhtadit ieš
Vástádus man sámediggi oažžui kulturministeriijas, lea hirbmmastuhtti, čállá Näkkäläjärvi. Ministeriija čujuha vástádusas kulturiešstivrejupmái ja ávžžuha sámedikki ruhtadit giellaoktasašbarggu iežas jahkásaš bušehtas.
«Dát lea hui oahpes vástádus sámediggái – sámi kulturiešstivren adno árvvus ja dat loktejuvvo ovdan go sámediggi gáibida lassiruhtadeami dehe evttoha, ahte stáhta válddálii ovddasvástádusa muhtin doaimmain. Gosbat sámediggi gávnnalii dasa ruđaid?» Nu čállá sátnejođiheaddji bloggastis.
Sámedikki bušehtas ii juolo ruhta
Näkkäläjärvi lea hirpmástuvvan ministeriija vástádusas ja jearráge bloggastis, ahte gosbat sámediggi gávdná Giellagáldui ruđaid, go sámedikki bušeahtas ii oktageardánit leat dasa ruhta, čállá Näkkäläjärvi.
«Jos sámediggi vuoruhivččii Giellagáldu doaimma iežas doaibmaruđain, nu geavadis dat šattalii lágaheamit lihccut eret bargiidis Giellagáldu sihkkarastima várás dehe dasto sámediggi šattalii heaittihit muhtin váimmusdoaimmaidis. Sámedikki bušeahtas ii leat lihkadanvárri Giellagáldu ruhtadeapmái muđuid», dančállá sátnejođiheaddji.
Golmma riika oktasašbargu
Sámi Giellagáldu lea Suoma, Ruoŧa ja Norgga sámedikkiid oktasaš
giellaovttasbargoprošeakta. Prošekta nogai geassemánu loahpas ja lea áigumuš ásahit fástta Giellagáldu ásahusa.
bargun lea nannet ja ovddidit buot sámegielaid.Go kulurministeriija ii juollut lasi ruđa, de lea Giellagáldu oktasašbargu áiton.
Loga maid: