Dorvvastan dáža lágádusaide

Sámediggi lea ferten dorvvastit dáža lágádusaide váilevaš oahpponeavvuid geažil, lohká oahppolávdegoddi ovdaolmmoš.

Sametinget, plenum
Foto: Dan Robert Larsen / NRK

– Heajos oahpponeavvodili geažil, de lea Sámediggi ferten maiddái geavahišgoahtit dáža girjelágádusaid. Nu čilge Sámedikki Bajásšaddan-, fuolahus- ja oahppolávdegoddi jođiheaddji, Silje Karine Muotka.

Eai hilggu sámi lágádusaid

Aschehoug nammasaš girjelágádus lea bargagoahtán sámi oahpponeavvobuvttademiin maid Sámediggi ruhtada.

– Sámi girjelágádusaid dat sáhttá vahágahttit, oaivvilda Čálliid Lágádusa jođiheaddji, John Trygve Solbakk.

Silje Karine Muotka mieđiha gal dárbbu suodjalit sámi girjelágádusaid gelbbolašvuođa.

  • Guldal olles ášši dás:

Oanehaččat

  • Helikopterlihkohisvuohta Bergenis

    13 olbmo navdojuvvojit duššan go helikopter mii lei jođus Nordsjøenis Bergen-gávpogii gahčai eske Turøy lahka. Helikopter lei viežžamin Gullfaks B oljobargiid go fáhkka gahčai ja buollái. Lihkohisvuohta deaividii gaskabeaiáigge. Olbmot, geat ledje dakko lahka, muitalit politiijaide ahte sii gulle ártegis jiena ovdal go helikopter gahčai.

Laster Twitter-innhold