Mannan háve oinniimet ahte ovttasbargu lea hui dehálaš joavkobarggus. Otná hástalussan lea suidnen, ja joavkojođiheaddji guovttos ferteba láidestit iežaska joavkkuid.
Ruoná joavkku joavkojođiheaddji - Sara Katrine
Gehččet go vuosttaš prográmma?
–Jua, lei heahpat oaidnit. Ártet oaidnit iežas tv:s. Moai geahčaime Jo Ántiin fárrolaga busses go leimmet jođus Ávanuorrái
Mo lei leat mielde Searat-prográmma ráiddus?
–Dat lei suohtas, ohppen olu ja lei somás vásáhus
Manne servet?
–Dat orui miellagiddevaš, ja háliidin geahččalit
Searvvašit go nuppes fas mielde?
–Juo, hui somá leat mielde. Vásihit maiddai mo ráhkadit tv-ráiddu
Maid leat oahppan?
–Ii nu olu ođđasa, muhto buorre muittuhus munnje
Mii lei suohttaseamos?
–Oahpásmuvvat ođđa olbmuiguin
Ballet go mastege?
–Seavdnjadasas ii lea nu issoras go mun doivon
Alit joavkku joavkojođiheaddji - Fredric Andrè
Makkár lei vuostás prográmma?
–Oalle buorre, liikojin buot
Mo lei leat mielde Searat-prográmma ráiddus?
–Hui somá. Beasan diehtit gii vuoitá ja dieđán mii geavai kamera duogábealde
Manne servet?
–Danne go háliidin
Searvvašit go nuppes fas mielde?
–Jua, liikojin
Maid it váillahan doppe?
–TV geahččat
Maid ohppet?
–Ohppen mo galgá sámi bargguid bargat. Lean vuosttaš háve bargan eanas daid bargguid
Meinet go geahččat nuppi prográmma?
–Jua, etniin fárrolaga
Maid muittát hui bures?
–Vuosttáš háve go vuittiimet, dalle go lávu ceggiimet
Goas: Bearjadagaid
Galleáigge: Diibmu 1645
Gos: NRK Superis