Basevuovddi boazoorohagas, Omasvuonas, Davvi-Romssas lea boráspirelohku lassanan.
Vuovdemeašttir ii leat goassege ovdal oaidnán dahje vuohttán nu olu boráspiriid go dán jagi.
Báhčit
Orohaga jođiheaddji, Ole Thomas Baal evttoha dál ahte boazoeaiggádiidda berrešii addot vejolašvuohta báhčit boráspiriid go dušše sin orohagas masset sii maŋga čuođi bohcco jagis.
Ii sierra lohpi
Finnmárkku ja Romssa boráspirelávdegotti jođiheaddji, Willy Ørnebakk gal ii mieđit ahte boazodoalus galget leat eará boráspirebivdolobit go earaidguin.
Son ávžžuha boazodoalu searvat geatkkebivdui dalle go dábálaš bivdu čakčamánus guovvamánu radjái.