Almmuhit ihttin dohkkehitgo fálaldaga

Finnmárkku boanddaid ja smávvadálolaččaid searvi vuorddaša beassat gullat dohkkehit go Finnmárkku boanddat eanandoallošiehtadus-fálaldaga.

Jon Torbjørn Wingereid

Čájáhusgovva

Foto: Marianne Lande Hallingskog / NRK

Ihttin muitala Norgga boanddaid ja smávvadálolaččaid searvi stáhtii dohkkehitgo searvvi miellahtut dan 1, 9 miljárdda ruvdnosaš fálaldaga maid leat ožžon stáhtas.

Boanddaid searvvit leat sádden jienastanbáhpira boanddaide mas jerro dohkkehit go boanddat fálaldaga stáhtas, vai eai.

Finnmárkku boanddaid ja smávvadálolaččaid searvvi jođiheaddji Gunnar Johnsen lohká gelddolažžan gullat maid boanddat dáhttot.

GULDAL: Ovdalaš eanandoallošiehtadusa dohkkeheami

Oanehaččat

  • Stuorra ruvkešiehtadus Guovdageidnu

    Ruvkefitnodat Nussir ii leat goassege ovdal dahkan iežaset doaibmanáiggis ná stuorra šiehtadusa ruhtasummá dáfus go dál lea dahkan Guovdageainnu fitnodagain Arctic Drillingain, vaikko vel eai leatge gullan Birasdirektoráhtas ahte ožžot go lobi luoitit lundui ruvkebázahusaid, nu muitala Nussira beaivválaš direktevra Øystein Rushfeldt.

  • Rievssatlohku

    Finnmárkkus lea rievssatlohku sturron, dađibahábut lea lulli-Norggas fas nuppe láhkai, čájehit lohkamat. Dát stuorra erohusat sáhttet dagahit ahte olusat vulget dál Finnmárkui rievssatbivdui. Dát ges baldá smávvafuođđobivdo ovddasvástideaddji Deanu Bivdo jo guolástansearvvis Ståle Henriksena. Searvi dáhtošii dál rádjet ahte galle beatnaga besset geavahit bivddus, ja seammás ballet ahte bivdit eai doahttal bivdoeriid.