Oanehaččat

  • Heajos luossabivdologut

    Bivdologut cájehit ahte Álttá-eanus goddojuvvui unnán guolli ovdal mihcamárađaid vaikko lei nuvttá bivdu, nu čállá Altaposten. – Son ii čiegat ahte sii fertejit dárkileappot guorahallat dáid heajos bivdologuid, muhto lea ain menddo árrat dadjat ahte álggahit go makkárge doaibmabijut Álttá eanu várás, nu dadjá Álttá Laksefiskeri Interessentskap beaivválaš hoavda, Tor Erland Nilsen áviisii.

  • Dáhttu čavget turistabivddu

    Nordlándda guolástussearvi dáhttu eiseválddiid čavget turistabivddu njuolggadusaid. Diibmá turisttat geahččaledje sibirdit vihtta ja bealle tonna guoli olggos Norggas. Guolástussearvi dáhtošii earret eará sierra eriid turistabivddu várás, ja ahte geatnegahttojuvvojit dieđihit man olu leat goddán nie movt ámmátguolásteaddjit fertejit dahkat, čilge Norlándda guolástussearvvi jođiheaddji Hilma Olav Sivertsen.

På forsiden av NRK Sápmi nå