Attes munnje ruđa

Go ruđa birra lea sáhka, de lea vuohttán, ahte olbmot leat geavahišgoahtán eanet ja eanet máŋggaidlogu hámi dakkár oktavuođain, goas sáhtášii geavahit ovttaidlogu. Nu muitala giellabargi Veikko Holmberg.

Ruđat
Foto: Else Turi / NRK

Ádjástis árbii olu ruđa

Go lea sáhka ruhtasupmi birra, de Holmberg oainnu mielde heive buorebut hállat ovttaidlogus, omd. Son árbii ádjástis olu ruđa.

Leikki ruđaid beavddi ala

Holmberg dadjá maid ahte máŋggaidlogu heive geavahit, go lea sáhka koŋkrehtalaččat šlánttiid ja báberruđaid birra, omd. Son leikii ruđaid beavddi ala. Go lea sáhka omd. juolludemiin duoppil dáppil, de veadjá leat lunddolaš hállat ruđaid birra (máŋggaidlogus).

Oanehaččat

  • Čoavjedávda Davvi-Suomas

    Giehtaruohttasis Lappis ja guovllu duottarbarttain njoammu čoavjedávda. Sivvan sáhttá leat virus, dieđihit Lappi buohccedikšunbires. Buohccedikšunbires jáhkket ahte ráppit mat lea lahka ádjagiid, sáhttet leat billistan ájačáziid, muhto dan eai leat vel duođaštan. Čoavjedávda lea leamašan guovllus badjel vahku, ja duottarbarttain leat šaddan olbmuid skohteriin ja helikopterin buktit vulos. Buohkat geat vánddardit Giehtaruohttasa guovllus Davvi-Suomas ávžžuhuvvojit vuoššat čázi unnimusat 10 minuhtta ja bassat gieđaid dávjá.

Laster Twitter-innhold