Deanu heaibunsearvvi Signe Marie Fidje-Store ii dattetge oro beassamin olympiagilvvuide. Olympiatoppen almmuhii eske dan álgo 19 oasseváldi. Ii nubbi davvi-Norgalaš Susann Bjørnsen ge beassan álgojovkui. Son lea ges nagodan vuodjangáibádusa. Guktuin lea gal ođđa vejolašvuohta beassat gilvvuide boahtte mánu gaskamuttus, go dalle mearridit daid earáid geat besset mielde.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.