Dáidet ain gávdnot báktesárgumat
Finnmárkkus dáidet leat ain báktesárgumat,maid olbmot eai leat deaivan gávdnat, nu oaivvilda Oslo universitehta arkeologa Jan Magne Gjerde. Ikte beakkehii ahte 7000 jagi boares báktesárgumiid leat gávdnan Hirsnjárggas Mátta-Várjjagis. Gjerde lohká dán gávdnosa hui erenoamážin, ja jáhkká Várjjatvuona davábealde ain kulturmuittuid, maid njeaiga eai leat vel deaivan.