Sámediggi rihkku hálddašanlága
Fylkadikki politihkkárat, geat čohkkájit FeFo stivrras leat bealálaččat, ja eai galggašii gieđahallat Fefo guoskevaš áššiid. Nu oaivvilda Fylkadikki olgešbellodaga Raymond Robertsen. Sámediggi rihkku hálddašanlága go diktá FeFo stivralahtuid gieđahallat politihkalaš áššiid mat gusket FeFoi, oaivvilda Robertsen. Bargiidbellodaga politihkkár Ulf Ballo ii leat ovttaoaivilis daid eará fylkadiggepolitihkkáriiguin, geat oaivvildit ahte Sámediggi rihkku lága, go diktá stivrralahttuidis gieđahallat FeFoi guoskevaš áššiid. Son oaivvilda lunddolažžan ahte stivralahtut besset buktit oaiviliiddiset áššiide mat gusket dasa mo Finnmárkku eatnamat ja čázit gieđahallojuvvojit.