- Givssidit bargiid

Golbma bargi leat dieđihuvvon buohccin guhkit áigái.  - Boazodoallohálddahusa hoavddat givssidit bargiid, čuoččuha bargi.

Bargosadji
Foto: Piera Balto / NRK

- Mun dovdagohten lossadin bargodili juo 2004:s. Dalle orui  nu ahte hoavda jo measta álggii oaguhit mu ja mu barggu. 

Dan lohká Nuorta- Finnmárkku boazodoallokántuvrra  bargi iežas hoavdda birra,  gii lea Kárášjoga boazodoallo ágronoma.

Bargi ii hálit namas almmuhit amas ášši gárta nu lossadin sutnje.

GULDAL: Boazodoallohálddahusa bargodilli

- Jođiheaddji návccahuhttá

- Áiggi mielde lea jođiheaddji eambbo ja eambbo spiehkastaddan, ja su jođihanvuohki lea šaddan nu ahte mun in njulgestaga nákce šat bargui álgit.

Manai oahpu gazzat

Dan dihte válddii son studerenpermišuvnna 2006:s, dainna jáhkuin ahte bargodilli buorranivčče dan botta go lea eret. Son čálii de reivve bajimushovdii ja departementii váttisvuođaid birra, muhto dan rájes vearránii dilli.

Su dieđu vuođul de eai guorahallan váttisvuođaid, eambbo go jerrojuvvoje hoavddas, gii šiittii buot čuoččuhusaid.

Earát maid buohccin

Dan rájes leat vel guokte eará bargi dieđihuvvon buohccin bargodili geažil, oaivvida son.  Nubbi lea Kárášjogas ja nubbi gis boazodoallohálddáhusa váldokántuvrras Álttás.

Soai maid čuoččuheaba hoavddaid bargovuogi čuohcat nu garrasit ahte eaba gáro bargui.

Ii jietnat maidege

Kárášjoga bargosadji
Foto: Piera Balto / NRK

Boazodoallohálddáhus ii hálit maidege kommenteret dán ášši birra Sámi Radioi.

Dát golmmas leat geahččalan iežaset bargiidorganisašuvnna bokte čoavdit ášši, muhto sin mielas lei dilálašvuohta nu váttis ahte organisašuvnna barggiidovddasteaddji geassádii ja guđii ámmáhá.

Bargi ii jáhke iežaset máhccat ruovttoluotta bargguide, ovdal go juoga dahkko dilliin.

 

 

Oanehaččat

  • Áigot heaittihit rievssatbivdima

    Birasdirektorahtta áigot heaittihit rievssatbivdima dálvet. Dán čállá VG áviisa. Sivvan lea go rievssat bođii rukses listtui áitojuvvon náliiguin diibma. Birasdirektorahta direktevra Ellen Hambro dadjá VG ávisii ahte vuollegis rievssatloguin šaddet rievssahat rašibut eara jámolašvuođafaktoriidda, dego ovdamearkka dihte bivdimii. Earret eará Finnmárkku opmodat ja Norgga Bivdin- ja Guolastansearvi vuosttildit evttohusa. Finnmárkku opmodaga Jan Olli oaivvilda alddiineaset buori vuođu hálddašit ja bisuhit Finnmárkku rievssatlogu.

Laster Twitter-innhold