- Háliđa deaivvadit olbmuiguin

Sámediggeráđđi háliđa gullat maid máttasápmelaččat vurdet Sámedikkis ja makkár hástalusat sis leat.

Laila Susanne Vars
Foto: Aslak Ilkka Niittyvuopio / NRK

Sámediggeráđđi hálida gullat maid máttasápmelaččat vurdet Sámedikkis, ja makkár hástalusat sis leat. Danne lágidit álbmotčoahkkima Rørosas Trøndelágas otne. Sadjásaš presideanta Laila Susanne Vars mielas lea dehálaš deaivvadit álbmogiin.

- Ulbmilin lea čohkket lullisápmelaččaid ja gullat makkár hastalusat sis leat giela, ealáhusa ja eará servvodatsurggiid ektui, maidda sámediggi sáhtašii váikkuhit. Ja makkár vuordámušat sis leat ráđi ektui omd. nannet lullisámegiela, muitala Vars.

Albmotčoahkkin dollojuvvo Røros hoteallas diibmu 18.00.

Ordnejit čoahkkimiid maid eará sajiin

Vars ávžžuha olbmuid boahttit Røros hotellii diibmu guđas eahkedis. Vaikke vel Sámediggi bargá ge viidát, de lea sin mielas hui dehálaš boahtit lahka buot sápmelaččaid ja gullat mo sin dilli lea. Danne lágidit álbmotčoahkkimiid juohke sajis gos sis leat ráđđečoahkkimat.

Vars lohká, ahte lea dehalaš deaivvadit olbmuiguin.

- Juohke báikkis leat iežas dihto ja dehalaš áššit ja danne lea dehalaš deaivat olbmuid. Sii háliđit njuolggoságasdallamiid, vai dieđašedje, mo dilli lea olbmuin, iige dušše gullat daid media dahje eará dieđihangaskaomiid čađa, lohka Vars.

Maiddái go deaivá olbmuid čalmmis čalbmái, de oidnet sii, guđe politihkkár lea man doaimmas sámediggeráđis, čilge Vars.

GULDAL:

Oanehaččat

  • Meahccebuollin áitá eamiálbmogiid

    Stuorra meahccebuollin mii dál lea Alberta provinssas Kanádas áitá First Nations servodaga Edmonton gávpoga oarjjabealde. Alexis Nakota Sioux Nation bivdá dál sáddet eambbo dollačákadeaddjiid veahkehit čáskadit dolaid, seammásgo ássit dál ráhkkanit eváhkueret. – Dáppe buollá jođánit, muhto mii eat dieđe man stuorra guovllus lea sáhka, čilge Alexis Nation sáhkaolmmoš Trish Roth.

Laster Twitter-innhold