Fleirtalspartia vil har mindre skjermtid for ungane i kommunen, og vil at mobilen skal vere utilgjengeleg, også i friminutta.
– Eg trur både elevar og foreldre kjem til å gå i mot forslaget. Mobilen er avhengigheitsskapande, men samstundes er det eit veldig godt verktøy, seier Mona Lill Angell-Olsen, elevrådsleiar på Kannik skule i Stavanger.
Elev Mona Lill Angell-Olsen meiner mobilen har komme for å bli.
Foto: Odd Rune Kyllingstad / NRKHo trur mobilfri skule blir eit vanskeleg prosjekt for politikarane. Men det nye fleirtalet i oljebyen er klar på at dei ønsker mindre skjerm- og mobiltid for elevane ved dei om lag 50 skulane i kommunen.
– Vi vil at dei skal ha meir tid til å leike og drive med andre aktivitetar, og skrive med penn og papir. Rett og slett få ei digital pause, seier Stavanger-politikar Eirik Faret Sakariassen (SV).
For å oppnå dette målet, vil han og samarbeidspartia Ap, Raudt, MDG, FNB og Sp innføre mobilforbod på alle grunnskulane i Stavanger, frå fyrste til tiande trinn.
Eirik Faret Sakariassen (SV) ønskjer at ungane skal få ei digital pause, og vil innføre mobilforbod i stavangerskulen.
Foto: Øystein Otterdal / NRK– No skal vi, saman med skulane, Utdanningsforbundet og andre aktuelle aktørar, finne ut korleis vi skal forme dette i praksis. Det viktigaste for oss er at det skal vere felles retningslinjer. At ikkje kvar enkelt lærar og skule må ha diskusjon om dette lokalt, seier han.
Digital pause i kvardagen
I dag er det opp til skulen å bestemme kva slags reglar ein skal ha for mobilbruk i skulen. For mange skular er det vanleg at elevane kan bruke mobilen i friminutta, men ikkje i skuletimane.
Hausten 2016 innførte Giske ungdomsskule i Sandnes mobilhotell. Ordninga vart godt tatt i mot av både elevar, lærarar og foreldre.
Foto: Lise Marit Kalstad / NRKFleire nyttar seg av såkalla «mobilhotell», kor mobilen ligg medan dei har undervisning.
Samarbeidspartia vil også fase ut ordninga der alle elevane i fyrste til fjerde trinn får kvar sin private PC.
– Er ikkje dette å gå imot teknologiutviklinga?
– Vi skal framleis ha PC-ar i skulen, men kvar enkelt elev skal ikkje få sin eigen lengre. Det skal vere skule- og klassesett med datamaskiner tilgjengeleg som kan takast fram når læraren meiner det er behov for det.
Dette tiltaket sparar kommunen for tolv millionar kroner over fire år.
– Må vere opp til kvar enkelt
Utdanningsforbundet i Stavanger liker ikkje at politikarane skal bestemme korleis det skal vere i klasserommet og undervisninga.
– Det er lærarane som veit kva som er best for kvar enkelt elev, og vi ønskjer difor at det er lærarane som skal styre dette i undervisninga, seier leiar Inger Grødem Andersen
