– Førestillinga går som planlagt, seier kulturhussjef Anders Netland.
Det var Dagens Næringsliv som i dag melde at både Christiania Teater og produksjonsselskapet Eufemia har slått seg sjølve konkurs.
Konkursen skjer etter sviktande billettsal i Oslo til musikalen "Skjønnheten og udyret", der Sandnes Kulturhus har levert kostyme og kulissar.
- LES OGSÅ:
Førestillinga har premiere i Sandnes 9. januar, og kulturhussjefen seier at den vil gå som planlagt, trass konkursen.
– Det er godt billettsal, og førestillinga vil bli meir storslått enn den var i Oslo, seier Netland.
Til Dagens Næringsliv seier Netland at han estimerer tapet på konkursen til å ligge mellom 400 000- 600 000 kroner.
For hente inn det tapte er kulturhuset no avhengig av å selje fleire billettar.
– Me har førebels ikkje dei nøyaktige tala, men eg reknar med at me må selje om lag 1000 fleire billettar enn det som i utgangspunktet var planen, seier Netland.