– Reine tunnelar gjer at det blir betre sikt. Då blir det også tryggare å køyre gjennom, seier byggeleiar i Statens vegvesen, Truls Kolnes, i ei pressemelding.
Til saman er det ni tunnelar som skal vaskast. Arbeidet startar på sundag, og det er nokre timar på kvelds- og nattestid stengninga skjer.
– Vi stenger om natta for å ikkje hindre trafikken for mykje, seier Kolnes.
Tunnelane som skal vaskast har faste omkøyringsruter. Desse er skilta medan vaskinga pågår.
Arbeidet skal etter planen vera fullført på torsdag i neste veke.