Få med deg heile opninga av Stavanger konserthus

Først ut under opninga av Stavanger konserthus var bestillingsverket «Runddans» frå Kyrre Sassebo Haaland.

Urframføringa var det Stavanger symfoniorkester og dirigent Steven Sloan, som stod for.

Namnefaren sine tonar

Etter «Runddans» var det klar for Fartein Valen.

Dette er Stavanger-komponisten som har gitt namn til salen i det nye konserthuset, og for første gong blei salen fylt med tonane frå Valen sitt stykke «La Isla de las calmas».

• Les òg: – Salen er mannen verdig

Ottesen med symfoniorkester

Så var det nok eit bestillingsverk. Denne gong frå frontfigur i Kaizers Orchestra, Janove Ottesen.

Ottesen har skrive stykket «Do you love me?» til opninga, sjølv spelar han piano, medan Camilla Myrås syng.

• Sjå video frå førebuinga: Ottesen med SSO

Edvard Grieg

Etter Ottesen forlét Stavanger symfoniorkester framførde dei «Preludium fra Holdbergsuiten, op 40» av sjølvaste Edvard Grieg.

Dirigert av Steven Sloan.

Offisiell opning

Det var ingen ringare enn H.K.H. Kronprins Haakon som stod for den offisielle opninga av Stavanger konserthus.

• Les òg: – Stavanger har fått eit eineståande konserthus

Her kan du sjå heile opningstalen frå ein begeistra kronprins.

Den store stjerna

Til å avslutta første akt var det duka for kveldens store stjerne, Hélène Grimaud.

Den franske kvinna byrja ved konservatoriet i Paris allereie som 13-åring. Ho har gjort nærmare 20 plateinnspelingar, og spelt solo med verdsleiande orkester, som The New York Philharmonic, Berliner Philharmonie og det russiske nasjonalorkesteret.

Laurdag innvia ho flygelet i det nye konserthuset med Maurice Ravel sin «Klaverkonsert i G-dur».

Del 2

Andre del av opningskonserten byrja med to nummer av Stavanger symfoniorkester med Steven Sloan.

Først Heinrich Biber sin «Battalia i G-dur», deretter Antonio Vivaldi sin «Konsert nr. 4 i F-dur, Op 8 «Vinter» 2. sats».

LidoLido

Rapparen, komponisten og produsenten Peder «LidoLido» Losnegår frå Tysvær fekk ei heilt ny oppleving laurdag.

Vanlegvis opptrer han på heilt andre konsertscenar, men nå tok han popmusikken sin med inn i Fartein Valen-salen.

• Les òg: – Du kunne vært sønnen min

Saman med Stavanger symfoniorkester, framførde han songen sin «Turn up your life», med eit spektakulært danseshow i bakgrunnen.

18 år gamalt talent

Den første nordmannen som har gått heilt til topps i den europeiske musikkonkurransen Eurovision Young Musicians heiter Eivind Holtsmark Ringstad og er berre 18 år.

Han var sjølvsagt på plass under opninga av konserthuset i Stavanger.

Her spelte han Béla Bartók sin «Bratsjkonsert op BB128, 2. og 3. sats», saman med Stavanger symfoniorkester og Steven Sloan.

• Les òg: Norske Eivind (17) gjekk vidare til europeisk musikkfinale
• Les òg: Eivind (17) best i Europa

Gåve frå symfoniorkesteret

Til slutt kom gåvepakka frå Stavanger symfoniorkester. Igor «Stravinskijs Ildfuglen».