Byrjar å sjå smitteeffekten av oljenedgangen

– Me har fått signal om at det kom til å bli høge tal, men det verkar likevel alltid sterkt når du får summert opp tala til slutt, seier direktør i NAV i Rogaland, Truls Nordahl.

I juni fekk NAV i Rogaland varsel om 1607 oppseiingar og 763 permitteringar. Det har ikkje vore like mange i løpet av ein månad sidan september i fjor.

• LES OGSÅ: Flere kommer til å miste jobben i år og neste år

Ser ringverknadane

Mesteparten av oppseiingane og permitteringane er i oljebransjen, men tala viser også at oljenedgangen får konsekvensar for andre bransjar.

– Me byrjar å sjå smitteeffekten til andre bransjar som har stor avhengnad av olja. Me ser nokre oppseiingar innanfor hotell og nokre innanfor bygg og anlegg, seier Nordahl.

• LES OGSÅ: 2016 blir tøft år for byggebransjen
• LES OGSÅ: Hotellene hardt rammet av oljenedgang

Trur tala vil halde fram med å auke

I hotellnæringa er det om lag tjue, medan i bygg og anlegg var det litt under hundre tilsette som mista jobben eller vart permitterte i juni. Nordahl trur fleire vil miste jobben i bransjar som er nært knytte til olja i tida som kjem.

• LES OGSÅ: 2000 mister jobben i Statoil

– Når olja no nedbemannar så har det smitteeffektar til andre bransjar. Hotell er ganske openbart, dei er sterkt avhengig av olja. Og enkelte bygg- og anleggsprosjekt er også avhengige av at olja tener pengar, seier Nordahl.

På fredag kjem nye tal på arbeidslause i Rogaland. NAV trur dei vil vise at arbeidsløysa held fram med å auke i oljefylket.

– Me er uroa for at det skal ta ei stund før dette går over, seier Nordahl.