Politiet rykka laurdag ut til ein bustad i Time kommune etter melding om bråk. Ein mann blei teken med inn til arresten i Stavanger, der han blei ransaka.
– Mannen hadde tre gifteringar på seg, som me tvilar på høyrer til han, fortel operasjonsleiar i Sør-Vest politidistrikt avdeling Stavanger, Jøran Solheim.
Dette er gifteringar som politiet gjerne vil returnera til eigarane sine.
Så om du saknar gifteringen din og er gift med Marit, Dennis eller Brit, så vil politiet gjerne koma i kontakt med deg.