Dette bilete tok Åse B Andersen ikkje langt frå Tjørhom.
Foto: Åse B Andersen– Det snør svært mykje nå. Snøen heng frå trea, seier Bjørn Moi, som køyrer i Sirdal.
Han seier at det ser ut til at snøen har kome uventa på mange bilistar.
– Eg har passert bilar som står i bakkane, som har sommardekk, folk var ute å skubba. Det er svært farleg å køyra på dårlege dekk her opp nå, fortel han.
Måtte taua bil
Det byrjar så vidt i Hunnedalen og tek seg opp innover Sirdal.
Åse B Andersen er også ute på vegen.
– Me måtte taua ein annan bil som stod fast med sommardekk. Me taua han til ein parkeringsplass, der han skulle få hjelp av nokon andre, fortel ho.
Meir i vente
Ifølgje yr.no er det meir snø i vente utover kvelden og i natt.
I morgon skriv dei at nedbøren skal koma i form av regn med temperatur mellom ei og tre grader.
Søndag melder dei på ny litt snø.
