Politiet rykka i ettermiddag ut til Langgata i Sandnes sentrum på eit litt spesielt oppdrag.
Der hadde ein 62 år gamal mann blitt dytta over ende av ein mann på 26 år. Noko som skjedde i samanheng med ein krangel dei hadde hatt om hundebæsj.
– Årsaka til at 62 åringen blei dytta i bakken skal vera at han sa til 26-åringen at han måtte plukka opp avføringa etter hunden sin, opplyser operasjonsleiar i Rogaland politidistrikt, Sølvi Didriksen Ravndal.
Politiet snakka med begge partane i etterkant av hendinga, og 62-åringen har meld saka inn til politiet.