– Me håpar at musikarane kjem til å trivast, og at folk kjem til å nyte musikken dei høyrer, seier Christian Ihle Hadland, som saman med Martin Frøst har laga det musikalske programmet.
Ihle Hadland stod også for opningskonserten i Domkyrkja no i kveld.
Teamet for årets festival er "I skuggen av 1914". I utgangspunktet ville arrangørane ha 1814 som tema, men der var det ikkje nok musikk å ta av.
– Den eigentlege planen var å spinne dette rundt grunnlovsjubileet. Men me fann ut at det kun var nok musikk til ein halv konsert. Så då bestemte me oss for å fokusere på 1914, og utbrotet av 1. verdskrig, fortel Ihle Hadland.
Under festivalen ynskjer dei å løfta fram ei rekke viktge verk som er skrivne i skuggen av ein turbulent tidsperiode, og vise fram korleis ulike komponistar har latt seg påverke av desse omstenda.
Festivalen varer frå 11.-17. august, og det blir konsertar både i Stavanger, Sandnes, Haugesund og på Ulstein Kloster.