Martin Strandfeldt opna skåringskontoen for Oilers heime mot Sparta Sarpsborg 16 minutt ut i første periode.
Andre periode blei mållaus. Sju minutt ut i tredje periode la Dan Kissel på til 2-0, før Mathias Trettenes sette spikaren i kista med 3–0 knappe to minutt før slutt.
– Solid og god kamp
Oilers innkasserte dermed tre svært viktige poeng i kampen om seriemeisterskapet.
– Me spelte ein veldig solid og god hockeykamp. Me var gode defensivt, jobba som eit lag og vann fortent 3-0, konkluderer trenar Petter Thoresen etter kampen.
Oilers leiar nå tabellen med fire poeng ned til Vålerenga. Enga har derimot ein kamp mindre spelt og møter formsvake Frisk Asker i morgon.
Taper Vålerenga den kampen, er Oilers serievinnarar alt denne helga.
Kan bli seriefinale på tysdag
Oilers møter Vålerenga i Jordal Amfi tysdag (siste seriekamp). Det kan dermed bli ein rein seriefinale om Vålerenga får med seg poeng i morgon.
– Dersom me spelar like bra som i dag, kan me fort vinna på Jordal, seier ein offensiv Thoresen, som har god tru på at Oilers vinn årets serie.
- Slik var kampen: Les kampreferat her (ekstern lenke).