Etter ei rettsavgjerd i Stavanger tingretten opplyser Helse Stavanger HF at dei vil lysa ut ein ny anbodsrunde for ambulansebåt i Ryfylke.
Reiarselskapet Rødne har hatt ambulansebåten Rygerdoktoren i ei årrekkje. Då Helse Stavanger opplyste at reiarselskapet Gulen skulle ta over ambulansedrifta, tok Rødne saka til retten.
Formell feil
Etter rettsavgjersla innrømmer helseføretaket ein formalitetsfeil, og går nå i gang med ein ny anbodsrunde. Dermed blir det ikkje rettssak.
Rygerdoktoren, ambulansebåten i Ryfylke.
Foto: Magnus Stokka– Det har blitt gjort feil i forhold til datoar og freistar. Me stryk derfor det anbodet som har vore og går i gang med nytt, seier divisjonsdirektør Hans Tore Frydnes til NRK.no.
Ein mann som er svært nøgd med dette utfallet er dagleg leiar i Rødne, Lars Rødne.
Vil ikkje legga eit dårlegare tilbod på bordet
– Anbodsrunden slik den var blei ein tragedie for folk i Ryfylke. Dei har øydelagt ein teneste slik den var, nå håper eg dei rettar opp dette, seier Rødne.
Han håper at reiarselskapet hans får behalda ambulansebåt-tilbodet.
– Nå byrjar alle på ny, og me skal gjera det beste for å vinna fram. Men me vil ikkje stå for eit dårlegare ambulanse-tilbod enn det som er i dag, seier han.
