Minnemarkering på Dale - VAKTHALD: Politiet er til stades med fire bilar og vakthald før minneseremonien byrja på Dale måndag. - Foto: Eirik Gjesdal / NRK

VAKTHALD: Politiet er til stades med fire bilar og vakthald før minneseremonien byrja på Dale måndag.

Foto: Eirik Gjesdal / NRK

Minnemarkering etter drapet på Dale asylmottak

Fleire titals personar har i dag møtt opp ved Dale asylmottak for å minnast den iranske 19-åringen som blei drepen førre veke.

Politiet er godt representerte under minnemarkeringa ved Dale asylmottak.

– Me ventar at 40 til 50 personar vil koma, seier politiførstebetjent Stein Torjussen.

– Pressa overdramatiserer

Førre torsdag blei det opptøyar då ei gruppe kurdarar skulle ut til drapsstaden, men blei stoppa av politiet. Politiet kjende seg truga og møtte ty til skjold og køller.

I skogholtet ved Dale er det også i dag politistyrkar utstyrte med køller og skjold, men politiet meiner likevel at pressa overdriv situasjonen ute på Dale:

– Det blir overdramatisert frå media si side. Det er viktig at me viser respekt, og ikkje gløymer at dette er menneske som faktisk sørgjer, seier Torjussen.

Det store pressekorpset som møtte opp på Dale, måtte halda seg vekke frå området rundt fotballbanen der markeringa skulle gå føre seg.

Fem sikta

Så langt er fire personar tatt og sikta for å vera med på drapet, ein femte person er etterlyst av politiet.

Dei fire som er tatt er alle russiske statsborgarar med tsjetsjensk bakgrunn.

Meir om drapet på Dale asylmottak finn du her.

Opphavsrett NRK © 2014

Ansvarlig redaktør: Thor Gjermund Eriksen

Nettsjef: Frank Gander (konst.)