Like etter klokka 15 måndag fekk politiet melding om ei trafikkulukke i Myklabergveien i Sandnes.
Ein syklist hadde krasja inn i ein bil frå sida.
– Guten på sykkelen er 13 år og frakta til Stavanger universitetssjukehus. Skadeomfanget er framleis ukjent, seier operasjonsleiar i Rogaland politidistrikt, Kjetil Føyen.
Politiet har oppretta sak, men fann ingen grunn til å ta beslag i førarkortet til bilisten.
– Ulukka skjedde då syklisten skulle kryssa vegen ved enden av ein sykkelveg. Han trefte sida av den køyrande bilen, seier Føyen.
