Boknafjordsambandet har vore stengt sidan fredag kveld på grunn av sterk vind.
Litt før klokka 10 søndag blei sambandet mellom Mortavika og Arsvågen opna igjen, men på grunn av vêret klarar ikkje Fjord1 og følgja ruteplanen.
Laurdag var det lange køar med trailerar og bilar på begge sider av fjorden.
Tidleg søndag morgon, før sambandet var opna for trafikk, fekk NRK opplyst frå billettbua i Arsvågen at veldig mange bilar hadde gitt opp og snudd.
På Mortavika-sida var det lange køar før sambandet opna litt før klokka 10.
Søndag føremiddag blir det rapportert om lite kø og vanleg trafikkavvikling frå Arsvågen.
