Klokka 11.54 onsdag blei det funne ei død kvinne i sjøen, om lag to kilometer ut i Sandeidfjorden.
– Det var mannskap frå HV-08 som fann kvinna. Ut frå funn på staden er det grunn til å tru at det er den sakna kvinna på 62 år frå Sandeid som er funnen, seier operasjonsleiar i Haugaland og Sunnhordland politidistrikt, Trond Friberg, til NRK.
– Andre synlege teikn som klede gjer oss så sikre me kan bli på at dette er den sakna kvinna, held Friberg fram.
Politiet veit lite om bakgrunnen for dødsfallet.
– Me veit ikkje kva som har skjedd, men er glade for å ha gjort funnet, seier Friberg.
Den 62 år gamle kvinna blei meldt sakna av familien i halv nitida måndag kveld etter at ho ikkje kom heim frå ein tur, og store leitemannskap har deltatt i søket.
Dei pårørande til den sakna 62 år gamle kvinna er varsla om funnet.