For ny forsking viser at kveita går djupare i sjøen og held seg meir i ro enn ein først trudde. Programleiar Monika Blikås har også gode råd å komme med om du skulle bli sjøsjuk… for å seie det sånn: det er fint lite ho hugsar av turen!

Torsken Kåre

Svein Atle Olaussen med dagens rekordtorsk på 18,8 kg. (Foto: NRK/ Thomas Hellum)

Etterkvart som vi fekk manøvrert oss fram til dei hemmelege fiskeplassane ved hjelp av GPS, kom konkurranseinstinktet fram i båten. Makrell og akkar vart flittig brukt som agn, og til slutt låg seierstorsken Kåre i båten med sine 18,8 kg! Kanskje det stemmer at fiskelykka veks når nokon ufrivillig må fôre fiskane? I så fall var programleiaren sitt ansvar bevisst!

Fiskens luktesans

Hanne samanliknar fisken og menneskets lukteorgan. (Foto: copyright/ Torgeir Beck Lande)

Fisk brukar luktesansen først og fremst til å finne mat og til å finne partnar. I tillegg har luktesansen ein tredje funksjon som kan bety skilnaden mellom liv og død. I Hannes hjørne får du svar på korleis fiskens lukteorgan virkar. Det snodige er at sjølv om fisk og menneske lever i temmeleg ulike miljø, så er lukteorganane våre påfallande like.

Reven luskar…

Rolf-Erik Lyseggen forteller til Kari Toft at han trodde han hadde kjørt i hjel en rev og la den bak i bilen. Etterpå våknet den. (Foto: NRK/ Jørn Nordli)

Vi tek nokre avstikkarar oppatt på land i programmet, Kari Toft har møtt ein kar som trudde han hadde køyrt i hel ein rev. Han la den bak i bilen, men så vakna den til liv igjen… Det blir elles både konkurranse og spennande sjåarvideoar, med scener som du mest sannsynleg aldri har sett før!