Korleis skal vi bygge framtidas bolighus? Og er eigentleg hydrogen det som vil erstatte bensin? Det er blant spørsmåla Norgesglasset stiller i ei sending som i si heilheit er via ekstremt vêr og klimaendringar.

Berre fint?

Programleiar Pål Plassen har teke med seg studio til Utsira og gler seg til å oppleve vêr og vind i havet utenfor Haugesund. Det høyrer med til historia at da Norgesglasset kom til Utsira laurdag var det eit strålande haustvêr. Men kven veit, kanskje får redaksjonen oppleve litt ruskevêr før dei sett kursen for fastlandet att?

Mot normalt?

På Utsira får vi mellom anna besøk av klimaforskar Hans Olav Hygen som forklarer oss kva som er det normale, norske vêret. Dessutan får vi møte studentar frå Bergen arkitekt skole (BAS). Dei skal lære seg kva vêr har å seie når ein skal teikne hus. BAS-studentane bur blant anna ute i telt for å kjenne at vinden tek tak. Kanskje er dei også nysgjerrige på hydrogen-bilen som kjem til Utsira? Vi undrar i alle fall på om det er hydrogen som blir drivstoffet for framtidas bilar.

Med GPS på Folgefonna

Kva vil skje om breane smeltar? Kva kan breforskning bidra med? Og korleis veks livet fram att etter ei istid? Desse spørsmåla og fleire til blir både stilt og besvart på ein ny natursti ved brekanten i Hardanger. Reporter Gøril Grov Sørdal og breforskar Jostein Bakke frå Bjerknessenteret i Bergen snører fjellskoa, plottar inn koordinatane på GPS'en og legg ut på ei klimahistorisk vandring ved Folgefonna.