På scena stod artistar som Thea Hjelmeland, Eva & The Heartmaker, Odd-Erik Lothe, Karl Seglem og Line Dybedal. Programleiar var Finn Tokvam.
Utvida info til prese:
Stor tilgang til kraft har skapt aluminiumsproduksjon, arbeidsplassar og eit særprega samfunn i Høyanger i 100 år. I samband med jubileet i år vart ein del av produksjonen stoppa i to dagar i november, og den såkalla anodehallen bygd om til konsertarena. Her vart artistar samla til ein spektakulær konsertproduksjon der målet var å vise fram industrisjela til Høyanger.
I programmet får du også sjå unike historiske bilete frå Høyanger, og du får med deg historia om korleis industrien har satt sine tydelege spor på denne staden langs Sognefjorden.
NRK hadde regien på konserten. I alt var 150 personar i sving på og bak scena for å skape den unike konserten som vert sendt på NRK1 Julaftan.