Fleire tusen familiar heimlause etter brann i Manila

Minst 5000 familiar skal ha mista heimane sine i ein diger brann i eit fattig område i hovudstaden Manila, melder nyheitsbyrået Ap.

Om lag 1000 hus skal ha blitt oppslukt av flammane, og to personar er sakna.

Klamra seg fast til eigendelar

Dei fleste husa er på storleiken med små hytter og står på påler i vatnet.

Fleire av bebuarane skal ha hoppa i sjøen og klamra seg fast til eigendelar som dei prøvde å redde, ifølgje brannsjef Bonifacio til nyheitsbyrået.

Ikkje nok vatn

Brannvesenet i fleire nærliggjande byar skal og ha blitt tilkalla for å hjelpe til å sløkke den enorme brannen, og den filippinske kystvakta er i høg beredskap.

Brannvesenet hadde problem med å få nok vatn til å sløkke brannen, og brannsjef Bonifacio fortel til nettavisa ABS-CBNNews at dei måtte bruke sjøvatn for å kjempe mot brannen som spreidde seg raskt.

Årsaka til brannen er enno ikkje kjent.

Fattig område

Filippinane er ein fattig øystat i Asia som har stor vulkansk aktivitet. Landet består av elleve store øyar og over 7000 mindre øyar, og er ofte svært utsett for naturkatastrofar.

LES: Filippinane: 43 omkom i jordskjelv

LES: 25 døde i jordras på Filippinene

Ifølgje FN bur om lag halvparten av innbyggjarane i Filippinane i fattige slumområde.

I april 2010 blei over 600 bustadar totalskadde i eit anna slumområde i nærleiken av Manila. Ein person omkom og så mange som 7000 innbyggjarar blei heimlause.