I alt seks menneske vart drepne då væpna menn gjekk til åtak på heimane til regimelojale militssoldatar utanfor ein uroleg bydel på øya, opplyser militærkommandør Alex Macario til nyheitsbyrået Ap.
Fem andre landsbybebuarar vart skadde i kampane. Ifølgje Macario var det medlemmer av den kjende terrorgruppa Abu Sayyaf som stod bak det dødelege åtaket.
To dagar etter massivt åtak på Jolo
Åtaket skjedde berre to dagar etter at 50 medlemmer av ei væpna muslimsk gruppe tilknytt terrorgruppa Abu Sayyaf gjekk til åtak på ein militær utpost på den filippinske øya Jolo sør for Basilan.
I alt 17 personar vart drepne i skotvekslinga, 13 av opprørarane, to marinesoldatar og to sivile.
Abu Sayyaf skal stå bak ei rekkje terroråtak på Filippinane. Opprørsgruppa skal ha nære band til al Qaida, og gjennomførte i 2004 eit bombeåtak på ei ferje. Eksplosjonen tok meir enn 100 menneskeliv
