Guvernør Yuhei Sato meiner det er ein skandale at 100.000 menneske frå området ved atomkraftverket, som er flytta til evakueringssenter lenger sør, ikkje får nok mat og andre heilt nødvendige ting som medisinar og olje.
Krisa i Japan time for time:
- Vi manglar alt
- Sendingane skal vere på veg, men har enno ikkje kome fram til dei som treng dei. Vi manglar aboslutt alt, seier ein uvanleg krass Yuhei Sato.
- Angsten og sinnet til folk i Fukushima er heilt på kokepunktet, legg han til.
Han er også sterkt kritisk til den informasjonen regjeringa har gått ut med om situasjonen ved atomkraftverket Fukushima Daiichi.
LES OGSÅ:
LES OGSÅ:
Han ber statsminister Naoto Kan og resten av regjeringa straks gi folk nøyaktig og sannferdig informasjon om det som skjer ved Fukushima-kraftverket.
Også japanske aviser og fjernsynsstasjonar er uvanleg krasse i kritikken av regjeringa for handteringa av jordskjelv- og tsunamikatastrofen som ramma den nordaustlege delen av landet sist fredag, og den etterfølgjande krisa ved atomkraftverket Fukushima.
- Manglande informasjon
Frå media går kritikken først og fremst på at det har vore manglande informasjon, og kritikken rettar seg også mot eigaren av atomkraftverket, Tepco (Tokyo Electric Power Company).
Fleire titusen menneske har truleg mist livet etter at jordskjelvet, som hadde ein styrke på 9,0, og tsunamien. Det er tsunamien som har gjort mest skade, både menneskeleg og materielt.
LES OGSÅ:
LES OGSÅ:
Frå fleire hald har det kome skarp kritikk mot statsminister Kan og hans regjering for manglande leiarskap i samband med naturkatastrofen. Den amerikanske storavisa
skriv blant anna:«Aldri etter andre verdskrigen har Japan hatt eit slik behov for eit sterkt leiarskap - og aldri har landet sitt svake og retningslause styringssystem blitt så grundig avslørt».
Femte statsminister på fire år
Avisa viser til at Naoto Kan er den femte statsministeren i Japan på under fire år, og dei fleste politiske analytikarane i Japan hadde alt avskrive Kan før jordskjelvet, tsunamien og atomkrisa.
Takeshi Sasaki er ekspert på japansk politikk ved Gakushuin-universitetet. Han seier at inntrykket til folk er at regjeringa held mange pressekonferansar, men at dette er det einaste dei gjer.
- Japan har aldri opplevd ein så alvorleg test. Samstundes er det eit leiarskapsvakum, seier Sasaki til New York Times.
LES OGSÅ:
LES OGSÅ:
LES OGSÅ: