USA vil gi Gaddafi-familien sine verdiar i USA til opprørarane.
Foto: AHMED JADALLAH / ReutersUSA har teke beslag i fleire milliardar dollar tilhøyrande Gaddafi-familien i. Talsmann for Det kvite hus, Jay Carney, seier at dei no prøver å finne måtar å overføre verdiane til opposisjonen.
- Vi gjer alt vi kan, saman med våre internasjonale samarbeidspartnerar, for å leggje press på Muammar Gaddafi og regimet hans, sa Carney på ei presseorientering i Det kvite hus i dag.
Nyheitsbyrået AFP melder i kveld at USA har innført sanksjonar mot Libyas utanriksminister Musa Kusa og 16 libyske selskap.
USA har innført sanksjonar mot Libyas utanriksminister Musa Kusa.
Foto: CHRIS HELGREN / ReutersPresident Barack Obama skal i løpet av kvelden norsk tid ha eit møte med tryggingsrådgjevarane sine i løpet av kvelden norsk tid. Her skal dei diskutere ulike måtar USA kan støtte den libyske opposisjonen.
Dei libyske opprørarane har bede USA om våpenhjelp, men hittil har amerikanske styresmakter vore avventande til dette. Barack Obama har fleire gonger sagt at USA ynskjer at Gaddafi skal gå av, men han er lite lysten i å bli engasjert militært i Libya.
Ein del republikanske politikarar og konservative kommentatorar har ivra for at USA skal gå inn på opprørarane si side i Libya, men det er ikkje noko massivt krav frå opposisjonen om dette.
LES OGSÅ:
LES OGSÅ:
LES OGSÅ:
