Bomber mot kyrkjer og julegater

74 mennske er såra i angrepa, og tilstanden er kritisk for mange av dei, melder nyheitsbyrået Reuters.

I byen Jos i det sentrale Nigeria vart det meldt om sju eksplosjonar i løpet av kort tid julaftan. 32 menneske vart drepne her. Mange av dei drepne og såra var ute og handla til jul då bombene eksploderte.

LES OGSÅ: Frykt for nye uroligheter i Nigeria

LES OGSÅ: Tid for begravelser i Nigeria

Angrep på to kyrkjer

I byen Maiduguri i det nordlege Nigeria gjekk mistenkte medlemer av ei islamsk sekt til angrep på minst to kyrkjer. Seks menneske vart drepne, og minst ei av kyrkjene vart sett i brann.

Nigerias president Goodluck Jonathan har fordømt angrepa på det sterkaste, og han lovar at alt skal bli gjort for at dei skuldige skal bli stilde til ansvar for ugjerningane.

Hærsjefen i Nigeria, Azubuike Ihejrika, seier at det ikkje er noko som tyder på at angrepa i dei to byane har noko med kvarandre å gjere, eller at dei er religiøst motiverte.

- Dette er terrorisme, og det er ille at dette skjer, seier han.

Ein lokal guvernør seier at angrepa julaftan vart sette i verk av grupper som vil spele kristne og muslimar opp mot kvarandre, og på denne måten starte ein ny runde med religiøse og etniske samanstøytar.

LES OGSÅ: Fant 150 lik i brønner i Nigeria

LES OGSÅ: – 192 er drept i kamper mellom muslimer og kristne

Etniske og religiøse motsetnader

I dei første månadene i år var det alvorlege samanstøytar mellom kristne og muslimar i Nigeria, og spesielt ille var det i Jos og området rundt. Fleire hundre menneske vart drepne i uroa, som skjedde i eit område der det muslimske Nord-Nigeria møter det kristne Sør-Nigeria.

Lokale menneskerettsgrupper seier at 1500 menneske er drepne i Jos-området hittil i år, der mange politiske leiarar er kjende for å fyre opp under etniske og religiøse motsetnader.

Det bur 150 millionar menneske i Nigeria, som er det mest folkerike landet i Afrika. I hovudsak er den nordlege delen av landet muslimsk, medan dei kristne dominerer i sør.

LES OGSÅ: 165 drept i Nigeria