Vedtek truleg einsidig våpenkvile

Det melder israelske regjeringskjelder i kveld, ifølgje Reuters.

Den israelske regjeringa kjem til å ta stilling til forslaget om ei einsidig våpenkvile i morgon.

- Går inn for forslaget

Ifølgje ein representant frå den israelske regjeringa er det venta at tryggingskabinettet kjem til å stemme for forslaget.

Dermed ser det ut til at Israel følgjer oppmodinga til FNs generalsekretær Ban Ki-moon. Han oppmoda i dag Israel til å innføre ei einsidig våpenkvile, sjølv om Hamas ikkje er med på avtalen.

Hamas vil ikkje godta

Ei einsidig våpenkvile kan gjere at Hamas ikkje dreg politiske fordelar som ei offisiell våpenkvile kunne har gjort.

Hamas-leiar Hhaled Meshaal har tidlegare i dag sagt at den palestinske gruppa ikkje vil godta Israels vilkår for ei våpenkvile.

Les også: Avviser våpenhvile med Israel

Soldatane bli i Gaza

Trass det israleske forslaget held forhandlingane i Kairo om det egyptiske forslaget til våpenkvile på Gazastripa fram.

Dei israelske styrkane vil også halde seg i Gaza – sjølv om forslaget vert banka igjennom i kabinettet i morgon.

Israel meiner ein fredsavtale ikkje kan kome på plass så lenge Hamas har våpen.

Video: Utanriksministrane i Israel og USA, Tzipi Livni og Condoleezza Rice, skreiv i dag under ein avtale som skal stoppe våpensmuglinga til Gaza.

Minst ti personar er drepne i eit isralesk åtak på eit hus i Gaza by i dag. Totalt er omlag 1.100 palestinarar drepne sidan krigføringa starta 27. desember.