Det er ikkje kjend kva årsaka er til at den sikta, Paul Kevin Curtis, er blitt slept fri, melder nyheitsbyrået Ap.
Dette vart offentleggjort berre timar etter at styresmaktene i USA avlyste eit fengslingsmøte utan å seie kvifor.
- Sett deg inn i saka:
Mannen som kjem frå Mississippi vart sikta for å sende brev med det giftige stoffet ricin til Barack Obama, ein amerikansk senator og ein statleg dommar.
– Utsett for eit komplott
Advokaten hans, Christi McCoy, stadfestar at mannen er blitt slept fri.
– Eg kan seie at han no er med familien sin, seier ho.
McCoy sa tidlegare i retten at ho trur nokon har utsett klienten hennar for eit komplott. Ho mistenkte ein tidlegare forretningspartner som den sikta hadde hatt ei rekke fientlege -postutvekslingar med.
På måndag sa FBI at dei hadde søkt etter spor av ricin i huset og i bilen til den tidlegare sikta, men at dei ikkje fann noko spor av substansen.
– Det var ikkje noko spor av ricin eller materiale ein treng for produksjonen, sa FBI-agent Brandon Grant som mistenkte at den sikta hadde kasta utstyret.
- LES OGSÅ:
Brevet med ricin sendt til Barack Obama vart oppdaga på eit kontrollsenter i Maryland. Dette skal ha vore teksten i brevet:
«Å sjå at noko er feil og ikkje gjere noko med det, er å vere ein taus partner til at det held fram». Begge breva er signerte med «Eg er KC og eg er samd i denne bodskapen».
Nytt brev funnen
Same dag som mannen vart slept fri vart eit nytt giftbrev funne på ein flybase utanfor Washington, D.C. Brevet vart oppdaga tysdag morgon i ein rutinesjekk av postsendingane til basen, opplyser etterretningstenesta i USA.
Dei første testane viser spor av «mogleg biologisk gift».