- Tilbaketrekking frå Irak neste år

Av Bent J. Tandstad

Sunday Telegraph skriv at tilbaketrekkinga kjem fordi dei to regjeringane har innsett at det faktum at det er utanlandske soldatar i Irak, er ei viktig hindring for å sikre fred i landet.

Også Sunday Mirror melder at tilbaketrekkinga vil skje innan 12 månader. Begge avisene viser til høgtstande, anonyme kjelder i forsvarsdepartementet.

Det er 135.000 amerikanske og 8500 britiske soldatar i Irak. Det er til saman 160.000 utanlandske soldatar i den USA-leidde koalisjonen.

Italia, som har de fjerde største kontingenten, har gjort det klart at dei vil trekkje seg ut av Irak i løpet av 2006.

Ein talsmann for dei amerikanske styrkane i Irak, oberstløytnant Barry Johnson, avviser meldingane i dei britiske avisene som oppspinn.

- Det er ikkje tilfelle at vi opererer med ein timeplan for tilbaketrekking frå Irak. Som vi har sagt gong på gong. Ei tilbaketekking frå Irak er avhengig av at den irakiske hæren greier å oppretthalde ro og orden i landet. Det er ikkje mogleg å knyte dette opp mot ein timeplan, sa Johnson blant anna.

Han sa også at vurderinga av den irakiske hæren skjer løpande.

Det er i dag 230.000 soldatar i den irakiske hæren, som får trening av dei amerikanske og britiske styrkane i landet.
(NRK-Reuters-AFP-NTB)