Minst 22 menneske blei drepne og 46 skadde då ei bilbombe eksploderte utanfor ein moské i Musayyib i Irak i dag, opplyser innanriksdepartementet.
Av
Tor Helge Haugland
Moskeen blir brukt av irakiske sjiamuslimar, den største religiøse folkegruppa i landet. Minibussen med sprengstoff som stod parkert utanfor, eksploderte like før solnedgang, rapporterer telegrambyråa.
Eksplosjonen skjedde like føpr starten på den muslimske høgtida eid al-fitr.
Musayyib ligg rundt 55 kilometer sør for den irakiske hovudstaden Bagdad.
16.juli i år blei 98 menneske drepne og 75 skadde då ein sjølvmordsbombar utløyste ein kraftig eksplosjon utanfor den same moskeen i sentrum av byen.
Mannen sprengde seg sjølv i lufta ved ein tankbil som stod parkert utanfor bygningen i det folk var i ferd med å samle seg til bøn.
Tips andre om denne saken
Utskriftsvennlig versjon
