Parlamentet i Irak har gitt opp forsøket på eit kompromiss om den nye grunnlova, og forslaget går no til folkerøysting i si noverande form.
Av
Bent J. Tandstad
Parlamentet har i fleire veker prøvd å få til eit kompromiss som alle dei politiske og etniske grupperingane kan stille seg bak.
Sjiamuslimane og kurdarane, som har fleirtal i parlamentet, støttar grunnlovsforslaget slik det ligg føre no, medan det sunni-muslimske mindretalet nektar å godta det.
Sunniane, som hadde mykje av makta under regimet til Saddam Hussein, fryktar at dei vil bli overkøyrde av sjiaene og kurdararane etter den nye grunnlova. Fleire sunni-representantar i parlamentet har sagt at dei vil drive valkamp for eit nei til forslaget.
Det blir folkerøysting om grunnlovsforslaget 15. oktober.
Grunnlovsforslaget skal no trykkjast opp i fem millionar eksemplar, og arbeidet med dette startar alt denne veka. (NRK-Reuters)