I alt sju rakettar vart skotne mot den danske Camp Eden-basen i Basra-regionen i det sørlege Irak i morgontimane i dag.
- Ingen av nedslaga trefte sjølve basen, seier talsmann for den danske kontingenten, Hans Vedholm, til nyheitsbyrået AFP.
Vedholm legg til at dei danske soldatane har vore i full beredskap etter at to rakettar vart skotne mot basen måndag kveld. Det vart gjort litt skade på bygningar, men heller ikkje då vart nokon skadd.
Danmark har 500 soldatar i Basra-regionen, som er under britisk overkommando. Ein dansk soldat har mist livet i Irak-operasjonen. Han omkom ved eit skyteuhell 21.august i fjor.