Seks menneske er drepne i ein kraftig eksplosjon ved eit hotell i sentrum av Bagdad onsdag kveld.
|
Hotellet vart heilt øydelagt i eksplosjonen. (Reuters/Scanpix-foto) |
|
Flammane frå det øydelagde hotellet lyste opp på kveldshimmelen. (Foto: Reuters/Scanpix) |
Av
Bent J. Tandstad
Ein amerikansk militær talsmann i Bagdad seier at hotellet som vart råka blir brukt av både irakarar og vestlege statsborgarar. Det skal vere sivile amerikanarar blant dei skadde. Det var ei kraftig bilbombe som eksploderte.
Øydelagt
Hotellet vart heilt øydelagt i eksplosjonen. Reuters-journalist Luke Baker seier at han såg fleire lik som vart tekne ut av ruinane, og at fleire menneske var fanga under betongmassane.
- Eg såg mange, mange døde menneske. Det er også born blant dei døde, seier Raed Abdul Karim (30), som var augevitne til det som skjedde. Han kan fortelje at det bur både sjiamuslimar, sunnimuslimar og kurdarar i området som vart råka.
Hotellet som vart verst råka ligg likevel dei meir kjende Sheraton hotell og Palsestine hotell. Det ligg nær Firdows-torget, der ein statue av Saddam Hussein vart riven ned for opne fjernsynskamera 9.april i fjor, etter at amerikanske soldatar hadde teke kontroll over Bagdad.
I brann
Både hotellet, fleire nabohus og bilar stod i brann etter eksplosjonen, som sende kaskadar av flammar og røyk opp i nattehimmelen. Lysglimtet etter eksplosjonen kunne sjåast frå heile Bagda-området.
|
Ein amerikansk tanks har teke oppstilling like ved eksplosjonsstaden. (Foto: Reuters/Scanpix) |
Dei råka bygningane vart sterkt øydelagde i eksplosjonen, som augevitne fortel var svært kraftig. Fleire augevitne sa tidleg at det var ei bilboombe, men det vart ei stund også spekulert i om det var ein rakett.
Viseinnanriksminister Ahmed Kadhim sa like etter eksplosjonen at det truleg var snakk om eit rakettangrep.
|
Flammane og røyken etter eksplosjonen kunne sjåast frå heile Bagdad. (AP/Scanpix-foto) |