Den tidligare visepresidenten i Irak, Taha Yassin Ramadan, er arrestert. Det stadfestar ein talsmann for den amerikanske okkupasjonsmakta.
Av
Tor Helge Haugland |
Taha Yassein Ramadan skal ha blitt pågripen av ein kurdisk organisasjon (Foto: AP) |
Han blei pågripen i byen Mosul nord i landet, opplyser ein talsmann for Kurdistans patriotiske union (PUK).
Ramadan blei pågripen av kurdisk milits, og deretter overlevert til amerikanske styrkar, skriv telegrambyrået AFP.
- PUK-soldatar pågreip Taha Yassin Ramadan i Mosul ved 15-tida i går, lokal tid, fortel talsmannen for PUK i Arbil.
Ramadan er nummer ti på den amerikanske lista over dei 55 mest ettersøkte i Irak, og den 38. av desse som er pågripen eller drepen.
Også dei to ettersøkte sønene til Saddam Hussein, Uday og Qusay, blei tidlegare i sommar funne i Mosul. Dei blei drepne av dei amerikanske styrkane der 22. juli.