Syria nektar inspeksjonar

Av Bent J. Tandstad

Det var Syrias utanriksminister Faruq al-Shara som sa dette under eit besøk i Egypt i dag. - Damaskus vil berre samabeide med sine arabiske brør og alle land i verda om å gjere Midtausten til ein region utan masseøydeleggingsvåpen, sa han. Han presiserte at det gjeld både kjemiske- og biologiske våpen og atomvåpen.

Syrias utanriksminister Faruk al-Shara godtek ikkje våpeninspeksjonar. (Reuters-foto)

Han gjorde det likevel klart at USAs utanriksminister Colin Powell er velkomen til Syria for samtalar som kan løyse den spente situasjonen mellom dei to landa.

Tidlegare denne veka foreslo Syria å gjere heile Midtausten til ei sone heilt utan masseøydeleggingsvåpen.

Det er ei kjend sak at Israel har atomvåpen, og dette er truleg bakgrunnen for at Syria no knyt eventuelle inspeksjonar av landet sine våpenprogram opp til Israel sine masseøydeleggingsvåpen.

Faruq al-Shara reiste til Cairo i dag for å overlevere ein bodskap frå president Bashar al-Assad til den egyptiske presidenten Hosni Mubarak, heitte det i ei melding frå syriske styresmakter tidlegare i dag. Det er uklart kva bodskap det er snakk om.

Den syriske utanriksministeren skal også ha samtalar med Abr Mussa, den tidlegare egyptiske utanriksministeren som no er president i Den arabiske liga, som har sitt hovudsete i Cairo.